Maxfiylik siyosati
Oxirgi yangilanish: 2026-yil 11-oktabr
01Qanday ma’lumotlarni yig‘amiz
Ro‘yxatdan o‘tish Telegram botimiz orqali bo‘ladi. Bot so‘raydi va saqlaydi: ism va familiyangiz, tug‘ilgan oy va yilingiz, yashash hududingiz (viloyat va tuman), telefon raqamingiz (faqat «📱 Raqamni yuborish» tugmasini o‘zingiz bossangiz) va Trylab haqida qayerdan eshitganingiz. Telegram’dan hisobingiz ID raqami va foydalanuvchi nomi olinadi. Parol yo‘q. Test topshirganingizda javoblaringiz, natijalaringiz va Speaking uchun nutqingizning matnli ko‘rinishi saqlanadi. Ovoz yozuvlari serverga yuborilmaydi va saqlanmaydi.
02Ma’lumotlardan qanday foydalanamiz
Natijalarni hisoblash, tahlil ko‘rsatish, tarifingizni boshqarish va xizmatni yaxshilash uchun. Ma’lumotlaringiz sotilmaydi va reklama maqsadida uchinchi shaxslarga berilmaydi.
03AI baholash
Pro va Max tariflarida Writing matnlari va Speaking transkriptlari baholash uchun AI provayderiga (Anthropic) yuboriladi. Bu matnlar faqat baholash uchun ishlatiladi.
04Saqlash va xavfsizlik
Ma’lumotlar himoyalangan serverda saqlanadi. Saytga kirish uchun bot 1 daqiqa amal qiladigan bir martalik kod beradi; kodlar faqat xesh ko‘rinishida saqlanadi, sessiyalar xavfsiz cookie orqali boshqariladi. Bot sizga faqat kirish kodlari va o‘qishingizga oid xabarlarni yuboradi.
05Huquqlaringiz
Hisobingizdagi ma’lumotlarni ko‘rish, tuzatish yoki o‘chirishni so‘rashingiz mumkin - biz bilan Telegram yoki email orqali bog‘laning.
salom@trylab.uz · t.me/trylabuz_support